/p. 264/ est, namque in foemella plus humoris
calorem vincet, qui auctor est incrementi.
Rectius dicemus caloris esse satis,
eius vim agere in humidum, non in illud
quidem nimium, sed foecundum tamen, itaque
celeres fieri augmenti progressus. An – inquit
Ioannes Baptista Marinus, eques Sabaudici
Ordinis, Italorum Poëtarum Princeps
et familiaris meus unice colendus – celerius
capessunt foemellae incrementum, quia
finem habent propinquiorem propter imperfectionem,
opus enim, quod in eis Natura
intendit, non est adeo perfectus prout
in mari, ideo in re minus elaborata citius expeditur.
Alex. – Cur igitur masculi properantius
in utero absolvuntur? Sane foeminae
quadragesimo secundo, mares autem trigesimo
die perficiuntur I. C. – Caloris ratione
id evenit, qui in masculo maior cum sit, humorem
ut mollem ceram extendit, diffundit
suaque vi fingit. Alex. – Cur vero in aestuosis
regionibus homines non excrescunt in procerem
staturam? Sane Maurorum Indorumque
maxima pars vel gracilis, vel brevis, vel
utrumque. I. C. – An quia fortassis crescendi
duae sunt causae: materia perpetuo suppeditata
eaque ad transmutationem idonea et calor,
qui quidem duorum est auctor effectuum,
quippe dilatat corpus, quod suscepturum est
incrementum et transmutat id quod accedit.
Qua de re regionis calor non solum non addit